გადასვლა – ,,ქირურგიული ინსტრუმენტები”
ორგანიზმში თხევადი სამკურნალო ნივთიერების დოზირებულად შესაყვანი, ანატომიური ან პათოლოგიური ღრუს გამოსარეცხი და მისგან სითხის (ექსუდატი, სისხლი, ჩირქი და სხ.) საევაკუაციო სამედიცინო ინსტრუმენტი. (სურ. 1.54). აგებულება:
შპრიცი შედგება გრადუირებული ცილინდრისა და დგუშისაგან; მუშაობს ხელის დგუშიანი ტუმბოს პრინციპით. შპრიცისადმი განკუთვნილი მოთხოვნებია: მანიპულირების მოხერხებულობა და სიმსუბუქე, დგუშსა და ცილინდრს შორის ნაპრალში სითხის მინიმალური რაოდენობით გაჟონვა;
შპრიცები განსხვავდებიან დანიშნულებით, კონსტრუქციითა და მასალით.
არსებობს სხვადასხვა სახის შპრიცი:
_ “ლუერის” ტიპის შპრიცი _ დამზადებულია მინისგან (იხ. სურ. 1.54 A);
_ “რეკორდის” ტიპის შპრიცი _ მინის ცილინდრისა და ლითონის დგუშისაგან (იხ. სურ. 1.54 B);
_ კომბინირებული შპრიცი _ (იხ. სურ. 1.54 C);
_ პოლიმერული მასალისგან დამზადებული შპრიცი (იხ. სურ. 1.55); (პოლისტიროლი, პოლიპროპილენი და სხვ.).
