წყლულის პერფორაცია
წყლულის პერფორაცია – წყლულების დაახლოებით 10% რთულდება პერფორაციით.
წყლულის პერფორაცია – სიმპტომები, მიმდინარეობა. პერფორაციამდე 3-4 დღით ადრე ავადმყოფებს აღენიშნებათ წყლულოვანი დაავადების მკვეთრი გამწვავება, დათვალიერებით ვლინდება კუნთების დაჭიმულობა და ლოკალური პერკუტორული მტკივნეულობა წყლულის არეში. შემდეგში უეცრად (ხშირად ფიზიკური დაძაბვის დროს) ვლინდება მკვეთრი ,,ხანჯლისებრი” ტკივილი ეპიგასტრიუმში, რომელიც სწრაფად ვრცელდება მთელს მუცელში. ტკივილი მკვეთრად ძლიერდება მოძრაობის დროს. დაავადების საწყის სტადიაში შესაძლებელია ერთჯერადი რეფლექტორული ხასიათის ღებინება; ავადმყოფს აქვს იძულებითი მდებარეობა – ფეხები მუცელთანაა მიტანილი; სახე დატანჯული და შეშინებული გამომეტყველება აქვს; ენა მშრალი და ნადებითაა დაფარული.
მუცელი მკვეთრად დაჭიმულია (,,ფიცრისებრი”) და მტკივნეულია, მკვეთრად დადებითია პერიტონეუმის გაღიზიანების სიმპტომები. ღვიძლის მოყრუება არ აღინიშნება, გამოხატულია ტაქიკარდია. გამოყოფენ დაავადების 3 სტადიას: რეფლექტორული (6 საათამდე), მოჩვენებითი კარგად ყოფნის (6 – 12 საათი) და პერიტონიტის პროგრესირების (12 საათზე მეტხანს). მოჩვენებითი კარგად ყოფნის სტადიაში ტკივილის სინდრომის ინტენსივობა რამდენადმე მცირდება, უმჯობესდება ავადმყოფის მდგომარეობა, მუცელი რბილდება და ნაკლებ მტკივნეულია, თუმცა პერიტონიტი პროგრესირებს, ავადმყოფის მდგომარეობა თანდათანობით უარესდება.
წყლულის პერფორაცია – დიაგნოზის დასმის დროს ითვალისწინებენ წყლულოვან ანამნეზს (80-90%), ,,ფიცრისებრ” მუცელს, ტაქიკარდიას ნორმალური ტემპერატურის დროს.
წყლულის პერფორაცია – მკურნალობა ოპერაციულია; ოპერაციამდე ტარდება პრემედიკაცია ანტიბიოტიკებით. კუჭის წყლულის პერფორაციის დროს ტარდება მისი რეზექცია.
წყლულის პერფორაცია – პროფილაქტიკა: წყლულოვანი დაავადების დროული მკურნალობა.
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
წყლულის პერფორაცია – კუჭის ან თორმეტგოჯა ნაწლავის სანათურის სწრაფად წარმოქმნილი კავშირი თავისუფალ მუცლის ღრუში; წყლულების დაახლოებით 10% რთულდება პერფორაციით. სიმპტომები, მიმდინარეობა. პერფორაციამდე 3 – 4 დღით ადრე ავადმყოფებს აღენიშნებათ წყლულოვანი დაავადების მკვეთრი გამწვავება, დათვალიერებისას – კუნთების დაჭიმულობა და ლოკალური პერკუტორული მტკივნეულობა წყლულის არეში. შემდეგში უეცრად (ხშირად ფიზიკური დაძაბვის დროს) ვლინდება მკვეთრი ,,ხანჯლისებური” ტკივილი ეპიგასტრიუმში, რომელიც სწრაფად ვრცელდება მთელს მუცელში. ტკივილი მკვეთრად ძლიერდება მოძრაობის დროს. დაავადების საწყის სტადიაში შესაძლებელია ერთჯერადი რეფლექტორული ხასიათის ღებინება; ავადმყოფს აქვს იძულებითი მდებარეობა – მუცელთან ფეხების მიტანით; სახეს აქვს დატანჯული, შეშინებული გამომეტყველება; ენა მშრალია, ნადებითაა დაფარული. მუცელი მკვეთრად დაჭიმულია (,,ფიცრისებური”), მტკივნეულია, მკვეთრად დადებითია პერიტონეუმის გაღიზიანების სიმპტომები. ღვიძლის მოყრუება არ აღინიშნება, გამოხატულია ტაქიკარდია. გამოყოფენ დაავადების 3 სტადიას: რეფლექტორული (6 საათამდე), მოჩვენებითი კარგად ყოფნის (6 – 12 საათი) და პერიტონიტის პროგრესირების (12 საათზე მეტხანს). მოჩვენებითი კარგად ყოფნის სტადიაში ტკივილის სინდრომის ინტენსივობა რამდენადმე მცირდება, უმჯობესდება ავადმყოფის მდგომარეობა, მუცელი რბილდება და ნაკლებ მტკივნეულია, თუმცა პერიტონიტი პროგრესირებს, ავადმყოფის მდგომარეობა თანდათანობით უარესდება. დიაგნოსტიკისას ითვალისწინებენ წყლულოვან ანამნეზს (80 – 90%), ,,ფიცრისებურ” მუცელს, ტაქიკარდიას ნორმალური ტემპერატურის დროს. მკურნალობა ოპერაციულია; ოპერაციამდე ტარდება პრემედიკაცია ანტიბიოტიკებით. კუჭის წყლულის პერფორაციის ტარდება მისი რეზექცია. პროფილაქტიკა: წყლულოვანი დაავადების დროული მკურნალობა.