თანდაყოლილი კუნთოვანი კისერმრუდობა

თანდაყოლილი კუნთოვანი კისერმრუდობა congenital torticollis

თანდაყოლილი კუნთოვანი კისერმრუდობა ვლინდება თავის არასწორი მდებარეობით: გვერდზე გადახრითა და მობრუნებით, ასევე თავის, მხრის სარტყლისა და ხერხემლის მეორადი ცვლილებების განვითარებით. გვხვდება უპირატესად გოგონებში და ხშირად არის ცალმხრივი.

კისერმრუდობა ვითარდება მკერდლავიწდვრილისებრი კუნთის განვითარების თანდაყოლილილ მანკის დროს. ასეთი განუვითარებელი კუნთი ადვილად ტრავმირდება მძიმე მშობიარობის დროს, განსაკუთრებით ნაყოფის დუნდულოებით წინმდებარეობისას. ტრავმის ადგილზე დროთა განმავლობაში ფორმირდება ნაწიბუროვანი ქსოვილი, რომელიც მეორადად იწვევს სახის ჩონჩხის დეფორმაციების განვითარებას. ახალშობილებში ვლინდება სიმსივნისებრი მრგვალი წარმონაქმნი, დაახლოებით 2,5 სმ-ის დიამეტრის, მკვრივი, მტკივნეული პირველ დღეებში; წარმონაქმნი მდებარეობს კუნთის სიღრმეში და ასაკთან ერთად ქრება, მაგრამ კუნთი კარგავს ელასტიკურობას, ვლინდება მისი დამოკლება, თავის გადახრა დაზიანების მხარეზე.

მკურნალობას იწყებენ ორკვირიანი ასაკიდან. ოპერაციული მკურნალობა ნაჩვენებია 3 წლის ასაკიდან. მკურნალობის დროულად ჩატარებისას შედეგები კეთილსაიმედოა.

საყრდენ-მამოძრავებელი სისტემის დაავადებები


  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.