ბარძაყის მოტეხილობა (ახალშობილებში) femoral fracture
ბარძაყის მოტეხილობა (ახალშობილებში) – შესაძლებელია წარმოიქმნას ნაყოფის დუნდულოებით წინმდებარეობისას, გართულებული მშობიარობის დრის, საკესირო კვეთისას. გვხვდება დიაფიზური მოტეხილობები და ეპიფიზეოლიზები. ახალშობილის დათვალიერებისას ყურადღებას იქცევს კიდურის იძულებითი მდებარეობა (ფეხი მოხრილია მუხლისა და მენჯ-ბარძაყის სახსარში, მიზიდულია), ბარძაყის რბილი ქსოვილების შეშუპება; ეპიფიზეოლიზის დროს დამახასიათებელია მენჯ-ბარძაყის სახსრის კონტურების გადასწორება, აქტიური მოძრაობების მკვეთრი შეზღუდვა, ბავშვის მოუსვენრობა პასიური მოძრაობის დროს, მოტეხილობების კრეპიტაცია. რენტგენოგრამაზე დიაფიზური მოტეხილობის დროს ჩანს ნატეხების გადანაცვლება; რენტგენოლოგიური ცვილებები ეპიფიზეოლიზის დროს ვლინდება მე-10-12 დღეზე ძვლის მასიური კოჟრის სახით და მენჯ-ბარძაყის სახსარის ქვეამოვარდნილობით. ეპიფიზეოლიზის შემდეგ გვიანდელ პერიოდებში შესაძლებელია განვითარდეს კიდურის ზრდის დარღვევა და ბარძაყის ვარუსული დეფორმაციის ფორმირება.
საყრდენ-მამოძრავებელი სისტემის დაავადებები
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.