საკვერცხის სიმსივნეები

საკვერცხის სიმსივნეები

არენობლასტომა

არენობლასტომა – საკვერცხის ჰორმონომაპროდუცირებელი, დამვაჟკაცებელი სიმსივნე. ხშირად გააჩნია ავთვისებიანი მიმდინარეობა. გვხვდება 25 – 30 წლის ასაკის ახლგაზრდა ქალებში. გამოიმუშავებს მამაკაცის სასქესო ჰორმონს – ტესტოსტერონს, რაც განაპირობებს კიდეც მასკულინიზაციის მკვეთრად გამოხატულ სურათს: ხმის დაბოხება, ქალის სახეზე მამაკაცის ტიპის თმიანობისა და მამაკაცური ნაკვთების გაჩენა. დიაგნოზის დასმა ხდება კლინიკური და ლაბორატორიული გამოკვლევების მონაცემების საფუძველზე (სისხლში და შარდში ჰორმონების განსაზღვრა). მკურნალობა – ქირურგიული. აუცილებელია ოპერაციის დროს სასწრაფო ციტოდიაგნოსტიკა ოპერაციის მოცულობის განსაზღვრის მიზნით.

ერნერის სიმსივნე

საკვერცხის კეთილთვისებიანი, იშვიათი სიმსივნე. ზოგჯერ შერწყმულია საკვერცხის მუცინოზურ კისტომასთან. მაკროსკოპულად წააგავს საკვერცხის ფიბრომას. ზოგიერთ შემთხვევაში შეიძლება იყოს ჰორმონოაქტიური, ზოგჯერ იძლევა ფემინიზირებულ, ზოგჯერ კი მასკულინიზირებულ ეფექტს. ავთვისებიანი მიმდინარეობა აღინიშნება იშვიათად. დიაგნოზის დაზუსტება ხდება სიმსივნის ჰისტოლოგიური გამოკვლევის საფუძველზე. მკურნალობა ოპერაციულია – სიმსივნის მოცილება.


♥  ქალის ჯანმრთელობის ,,ამაზონის” განყოფილება >>
ოჯახის დაგეგმვის ტესტები
ქალის მოვლის საშუალებები
მენოპაუზის დროს გამოსაყენებელი საშუალებები
მენსტრუალური ტკივილის შესამსუბუქებელი საშუალებები
ვიტამინები პრენატალური (მშობიარობის წინა) პეიოდისათვის
საფუარის სოკოთი გამოწვეული ინფექციების დროს გამოსაყენებელი საშუალებები

♦ როგორ გამოვიწეროთ ,,ამაზონიდან” >>
♦ Medgeo.net-ის ინტერნეტ-მარკეტი >>


გრანულოზურუჯრედოვანი სიმსივნე (ფოლიკულომა)

ახდენს ესტროგენების პროდუცირებას. შესაძლოა ჰქონდეს კეთილთვისებიანი და ავთვისებიანი მიმდინარეობა. გვხვდება ნებისმიერ ასაკში. ჰორმონალური აქტივობის გამო, გოგონებში იწვევს ნაადრევ სქესობრივ მომწიფებას, ქალებში მენოპაუზის პერიოდში – მენსტრუაციის მსგავს სისხლდენებს. დიაგნოზის დადგენა ხდება კლინიკური მონაცემების, ენდომეტრიუმის ანაფხეკის ჰისტოლოგიური გამოკვლევის შედეგების საფუძველზე. გინეკოლოგიური გამოკვლევით დგინდება საკვერცხის სიმსივნე და საშვილოსნოს გადიდება. მკურნალობა ოპერაციულია. ოპერაციის მოცულობა დამოკიდებულია სიმსივნის ჰისტოლოგიურ შენებაზე და ავადმყოფის ასაკზე.

დისჰერმინომა

საკვერცხის ავთვისებიანი სიმსივნე, რომელიც ჩვეულებრივ ვითარდება სასქესო ორგანოების ჰიპერპლაზიის ფონზე. უხშირესად ავადდებიან 30 წლამდე ასაკის ახალგაზრდა ქალები, თუმცა
აღწერილია დისჰერმინომის შემთხვევები ხანშიშესულ და მოხუც ქალებში. უხშირესად სიმსივნე აზიანებს ერთ საკვერცხეს. კლინიკური გამოვლინებები არასპეციფიკურია, ზოგჯერ ვლინდება ამენორეა. უცვლელი მეორე საკვერცხის პირობებში შესაძლებელია დაორსულება.
დამახასიათებელია ტკივილები მუცლის ქვემოთ. სწრაფად ვითარდება შეხორცებები მეზობელ ორგანოებთან და ჩნდება მეტასტაზები. დიაგნოზის დასმა ხდება კლინიკური სურათისა და სიმსივნის ჰისტოლოგიური გამოკვლევების მონაცემების საფუძველზე. მკურნალობა ქირურგიულია შემდგომ სხივური თერაპიის დამატებით.

თეკომა

ჰორმონომაპროდუცირებელი (ხშირ შემთხვევაში კეთილთვისებიანი) სიმსივნე. კლინიკური სურათი გრანულოზურუჯრდოვანი სიმსივნის მსგავსია და განპირობებულია მის მიერ ესტროგენების გამოყოფით. დიაგნოზი ისმევა გინეკოლოგიური მონაცემების (საკვერცხის სიმსივნის არსებობა და საშვილოსნოს გადიდება) და ენდომეტრიუმის ანაფხეკის ჰისტოლოგიური გამოკვლევის დახმარებით. მკურნალობა ოპერაციულია.

თერატოიდული სიმსივნეები

წარმოიქმნება ემბრიონალური ჩანასახებიდან. ისინი იყოფა ორ ჯგუფად:

დერმოიდული კისტა – ჭეშმარიტი კეთილთვისებიანი სიმსივნე. გვხვდება საკმაოდ ხშირად (საკვერცხის ყველა სიმსივნის 10 – 20%), ვლინდება ნებისმიერ ასაკში. ვითარდება ნელა, ზოგჯერ არ იძლევა არავითარ კლინიკურ გამოვლინებას. გააჩნია საკმაოდ გრძელი ფეხი, ამიტომაც ძლიერ მოძრავია. გართულებებიდან უნდა აღინიშნოს სიმსივნის ფეხის მოგრეხა და დაჩირქება. დიაგნოზის დასმა ხდება გინეკოლოგიური გამოკვლევების მონაცემების საფუძველზე. მკურნალობა ოპერაციულია – სიმსივნის მოცილება.

საკვერცხის თერატობლასტომა – ავთვისებიანი სიმსივნე, გვხვდება იშვიათად. უხშირესად ვლინდება ახალგაზრდა ასაკში, სწრაფად იზრდება და იძლევა მეტასტაზებს შორეულ ორგანოებში. დამახასიათებელია ტკივილები მუცლის ქვევით, სისუსტე, შეუძლოდ ყოფნა, ხშირად – ასციტი.

დიაგნოსტიკა

დიაგნოზის დასმა ხდება გინეკოლოგიური და ჰისტოლოგიური გამოკვლევების საფუძველზე. მკურნალობა ოპერაციულია. კეთდება საშვილოსნოს ექსტრიპაცია დანამატებთან ერთად. პოსტოპერაციულ პერიოდში ატარებენ რენტგენოთერაპიას. 


საკვერცხის სიმსივნეები – ლალი დათეშიძისა და არჩილ შენგელიას სტატიის FB-პრეზენტაცია გვანცა მჭედლიძისგან

🩺 საკვერცხის სიმსივნეები
📌 არენობლასტომა – საკვერცხის ჰორმონომაპროდუცირებელი, დამვაჟკაცებელი სიმსივნე, რომელსაც ხშირად გააჩნია ავთვისებიანი მიმდინარეობა.
👩 გვხვდება 25 – 30 წლის ასაკის ახლგაზრდა ქალებში.
🧪 ხდება მამაკაცის სასქესო ჰორმონის, ტესტოსტერონის გამოყოფა, რაც განაპირობებს კიდეც მასკულინიზაციის მკვეთრად გამოხატულ სურათს:
➡️ ხმის დაბოხება;
➡️ ქალის სახეზე მამაკაცის ტიპის თმიანობის გაჩენა;
➡️ მამაკაცური ნაკვთების გაჩენა.
📌 ერნერის სიმსივნე – საკვერცხის კეთილთვისებიანი, იშვიათი სიმსივნე, რომელიც ზოგჯერ შერწყმულია საკვერცხის მუცინოზურ კისტომასთან.
🔬 მაკროსკოპულად წააგავს საკვერცხის ფიბრომას.
🖇 ზოგიერთ შემთხვევაში შეიძლება იყოს ჰორმონოაქტიური, ზოგჯერ იძლევა ფემინიზირებულ, ზოგჯერ კი მასკულინიზირებულ ეფექტს.
🔎 დიაგნოზის დაზუსტება ხდება სიმსივნის ჰისტოლოგიური გამოკვლევის საფუძველზე.
💉 მკურნალობა ოპერაციულია – სიმსივნის მოცილება.
👉 შეიტყვეთ უფრო დეტალურად საკვერცხის სხვა სიმსივნეების შესახებ – https://bit.ly/3itRzPS
#საკვერცხისსიმსივნე #საკვერცხისსიმსივნეები #მენსტრუალურიდარღვევები #მუცლისტკივილი #მეტეორიზმი #ჰორმონალურიდარღვევები #საჭმლისმომნელებელისისტემისდარღვევები #მუცლისშებერილობა #მადისდაკარგვა #წონისკლება #ხმისდაბოხება #ტესტოსტერონი #მამაკაცურითმიანობა #არენობლასტომა #ერნერისსიმსივნე #გრანულოზურუჯრედოვანისიმსივნე #ფოლიკულომა #დისჰერმინომა #თეკომა #თერატოიდულისიმსივნეები #დერმოიდულიკისტა #საკვერცხისთერატობლასტომა #ლალიდათეშიძე #არჩილშენგელია #გვანცამჭედლიძე

გამოგვყევით სოციალურ ქსელებში :1 , 2 3 , 4 , 5 , 6 , 7 , 8 , 9 , 10

გადასვლა >> გინეკოლოგიური დაავადებები


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

  • გაფრთხილება
  • წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა.  ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.